Educación Infantil
Dando os primeiros pasos
Traballo por proxectos
- Localizar o centro de interese dos grupos de alumnos.
- Infórmase o profesorado das inquietudes do alumnado.
- Elabóranse proxectos guiados segundo o currículo e os lemas anuais do noso centro.
Gamificación
A motivación é un elemento que xoga un papel fundamental no proceso de ensino-aprendizaxe
Os xogos na aula fomentan que os alumnos superen e melloren.
Plurilingüismo
Aprendendo diferentes idiomas dun xeito lúdico.
Métodos a través de xogos e cancións.
Dinamización da lingua galega
Coordinación de actividades ao longo de todo o curso: magosto, panxoliñas, día de Rosalía…
Aprendizaxe cooperativa
- Potenciar as relacións entre iguais e o traballo colaborativo: por parellas, pequenos grupos e grandes grupos.
- Fomento da axuda mutua e a superación dos conflitos mediante o diálogo e a cooperación.
A etapa de Educación Infantil está considerada como a máis importante xa que contribúe ao desenvolvemento integral e harmónico do alumnado en todas as súas dimensións: física, emocional, sexual, afectiva, social, cognitiva e artística, potenciando a autonomía persoal e a creación progresiva dunha imaxe positiva e equilibrada de si mesmos, así como a educación en valores cívicos para a convivencia.
Nesta etapa é onde se asentan as bases para todo tipo de aprendizaxes e o bo funcionamento das etapas educativas posteriores.
A nosa práctica educativa baséase en experiencias de aprendizaxes significativas e emocionalmente positivas e na experimentación e o xogo, sempre desde un ambiente de afecto e confianza. Utilizando metodoloxías globais e activas, como a Aprendizaxe Baseada en Problemas (ABP), o traballo cooperativo, as rutinas de pensamento, o traballo por recunchos, foméntase o esforzo cognitivo, o uso do pensamento crítico, provocando a formulación de hipóteses por parte do alumnado e empregando o razoamento.
Consideramos que a familia é un piar básico na formación educativa dos alumnos, por iso se lles invita a que participen e se impliquen nos proxectos para formar parte do proceso de aprendizaxe.
